| ᠱᠠ᠊᠂ ᠮᠡᠷᠭᠡᠨ | ᠡᠭᠡᠳᠡᠩ ᠭᠤᠲᠤᠯ ᠤᠨ ᠬᠢᠨᠢ ᠬᠠᠪᠴᠢᠶᠠᠷᠢ ᠳᠤ ᠡᠪᠤᠯ ᠳᠦᠩᠭᠡᠭᠡᠨ ᠰᠢᠷᠭᠤᠲᠠᠯᠠ | ᠡᠷᠬᠡ ᠤᠷᠴᠢᠯᠠᠩ ᠤᠨ ᠬᠢᠨᠢ ᠡᠩᠭᠡᠷ ᠢ ᠢᠷᠭᠤᠢ ᠡᠵᠡᠩᠨᠡᠭᠡᠳ ᠢᠨᠢᠶᠡᠮᠰᠦᠭᠯᠡᠨᠡ | ᠡᠷᠲᠡᠨ ᠤ ᠲᠤᠤᠯᠢ ᠶᠢᠨ ᠰᠠᠬᠢᠭᠤᠰᠤ ᠰᠢᠭ᠋ ᠬᠦᠬᠡ ᠡᠪᠦᠭᠡᠨ ᠪᠦᠭᠲᠦᠷᠡᠨ | ᠡᠯᠡ ᠬᠠᠯᠠ ᠵᠢᠨᠶ᠋ᠢᠷᠳᠢᠨᠴᠦ ᠶᠢ ᠡᠯᠢᠭᠡᠳᠡᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠨᠠᠮ | ᠡᠷᠬᠡᠰ ᠭᠠᠷᠠᠭ ᠪᠦᠬᠦᠨ ᠪᠠᠭᠤᠴᠠ ᠶᠢ ᠨᠢ ᠲᠤᠭᠤᠷᠢᠨ ᠡᠷᠭᠢᠯᠳᠦᠭᠡᠳ | ᠡᠯᠢᠭᠡᠨ ᠬᠦᠷᠡᠩ ᠠᠭᠤᠯᠠᠰ ᠨᠦᠮᠦᠷᠢ ᠪᠤᠯᠤᠨ ᠰᠡᠬᠦᠶᠢᠭᠡᠳ | ᠡᠷᠬᠢᠮ ᠤᠳᠤᠮ ᠤᠨ ᠲᠠᠩᠭᠠᠷᠢᠭ ᠤᠶᠠᠭᠰᠠᠨ ᠪᠠᠭᠠᠲᠤᠷ ᠤᠳ | ᠡᠩ ᠶᠢᠷᠲᠢᠨᠴᠦ ᠶᠢ ᠵᠤᠷᠢᠭ ᠢᠶᠠᠷ ᠢᠶᠠᠨ ᠬᠦᠲᠦᠯᠵᠦ ᠶᠠᠪᠤᠨᠠᠮ | ᠡᠪ ᠤᠨ ᠳᠡᠯᠡᠬᠡᠢ ᠡᠨᠡᠷᠢᠯ ᠤᠨ ᠬᠠᠷᠠᠴᠠᠨ ᠳᠤ ᠨᠢ ᠳᠤᠯᠠᠭᠠᠴᠠᠵᠤ | ᠡᠬᠡ ᠤᠷᠤᠨ ᠮᠢᠨᠢ ᠡᠪᠦᠷ ᠲᠤᠨᠢ ᠳᠤᠯᠠᠭᠠᠬᠠᠨᠲ᠋ᠤᠭᠵᠢᠷᠡᠨᠡᠮ ᠡ | ᠠᠳᠤᠭᠤᠨ ᠬᠤᠳᠳᠤᠭ ᠤᠨ ᠨᠠᠭᠤᠷ ᠠᠴᠠ ᠬᠦᠪᠦᠭᠡᠳ ᠢᠷᠡᠬᠦ ᠮᠠᠨᠠᠨ ᠳᠤ | ᠠᠷᠭᠠᠯ ᠬᠤᠷᠢᠶᠠᠯᠭᠠ ᠬᠤᠶᠡᠷ ᠨᠢ ᠴᠢᠬᠢᠭ ᠵᠠᠭᠤᠭᠠᠳ ᠠᠮᠵᠢᠨᠠ | ᠠᠮᠢᠨ ᠰᠠᠬᠢᠶᠠ ᠡᠵᠢ ᠶᠢᠨ ᠮᠢᠨᠢ ᠰᠠᠴᠤᠯᠢ ᠶᠢᠨ ᠽᠠᠨᠳᠠᠨ ᠬᠠᠯᠪᠠᠭᠠᠨ ᠠᠴᠠ | ᠠᠮᠠᠷᠠᠭ ᠨᠠᠷᠠᠨ ᠤ ᠲᠤᠶᠠᠭᠠ ᠰᠦᠨ ᠦᠩᠭᠡ ᠪᠠᠷ ᠰᠠᠴᠤᠷᠠᠨᠠ | ᠠᠲᠠᠷ ᠬᠡᠭᠡᠷᠡ ᠶᠢ ᠠᠷᠭᠠᠳᠠᠭᠰᠠᠨ ᠠᠶᠠᠭᠠᠨ ᠴᠡᠴᠡᠭ ᠤᠨ ᠰᠢᠭᠦᠳᠡᠷᠢ ᠳᠤ | ᠠᠭᠠᠷ ᠤᠨ ᠬᠦᠬᠡ ᠡᠭᠦᠯᠡᠰ ᠤᠨ ᠪᠠᠭᠤᠬᠤ ᠨᠡᠭᠦᠬᠦ ᠨᠢ ᠲᠤᠳᠤᠬᠠᠨ ᠡ | ᠠᠷᠰᠯᠠᠩᠲᠦ ᠬᠦᠬᠡ ᠠᠪᠳᠠᠷᠠ ᠶᠢᠨ ᠴᠤᠤᠵᠢ ᠲᠦᠯᠬᠢᠭᠦᠷ ᠰᠠᠨᠵᠢᠬᠢᠨᠡᠬᠦ ᠨᠢ | ᠠᠯᠤᠰ ᠬᠤᠯᠠ ᠶᠢᠨ ᠵᠤᠴᠢᠳ ᠤᠨ ᠮᠤᠷᠢᠯᠠᠵᠤ ᠰᠠᠭᠠᠲᠠᠬᠤ ᠶᠢᠨ ᠵᠦᠩ ᠡ | ᠠᠷᠭᠠᠯᠢ ᠭᠥᠷᠥᠭᠡᠰᠦ ᠠᠰᠠᠭᠰᠠᠨ ᠠᠰᠬᠠ ᠶᠢᠨ ᠦᠨᠳᠦᠷ ᠪᠡᠷᠬᠡ ᠳᠤ | ᠠᠵᠠ ᠬᠡᠶᠢᠮᠦᠷᠢ ᠶᠢᠨ ᠳᠠᠯᠠᠯᠭᠠ ᠲᠠᠢ ᠡᠬᠡ ᠤᠷᠤᠨ ᠮᠢᠨᠢ ᠰᠠᠭᠠᠲᠠᠳᠠᠭ ᠡ | ᠢᠳᠡᠷ ᠶᠢᠰᠦ ᠶᠢᠨ ᠵᠢᠪᠡᠷ ᠮᠤᠷᠢᠳ ᠤᠨ ᠠᠮᠠᠭᠠᠢ ᠬᠠᠭᠠᠷᠢᠯᠠ ᠴᠦ | ᠢᠷᠡᠬᠦ ᠬᠠᠪᠤᠷ ᠤᠨ ᠵᠡᠭᠦᠳᠦ ᠶᠢ ᠲᠤᠭᠤᠷᠠᠢ ᠶᠢᠨ ᠲᠦᠪᠡᠷᠭᠡᠨ ᠨᠢ ᠵᠦᠮᠪᠦᠷᠳᠦᠨᠡ | ᠢᠪᠡᠭᠡᠬᠦ ᠡᠨᠡᠷᠢᠬᠦ ᠵᠢᠷᠦᠬᠡᠨ ᠭᠠᠯ ᠢᠶᠠᠨ ᠬᠡᠭᠡᠷᠡ ᠶᠢᠨ ᠰᠠᠯᠬᠢᠨ ᠢᠶᠠᠷ ᠬᠦᠭᠵᠢᠭᠡᠭᠰᠡᠨ | ᠢᠳᠡᠷᠡᠭᠦᠨ ᠤᠮᠤᠭᠯᠠᠩ ᠡᠷᠡᠰ ᠤᠳ ᠬᠡᠨᠡᠭ ᠴᠦ ᠦᠭᠡᠢ ᠲᠠᠶᠢᠪᠤᠭᠤᠬᠠᠨ ᠡ | ᠢᠯᠠᠭᠤᠨ ᠨᠠᠰᠤᠨ ᠤ ᠵᠢᠪᠬᠤᠯᠠᠩ ᠢᠶᠠᠨ ᠴᠢᠩ ᠬᠠᠶᠢᠷᠠ ᠪᠠᠷ ᠴᠢᠮᠡᠭᠡᠳ | ᠢᠯᠳᠠᠮᠬᠠᠨ ᠪᠦᠰᠡᠭᠦᠢ ᠶᠢᠨ ᠢᠲᠡᠭᠡᠯ ᠢ ᠵᠢᠷᠦᠬᠡ ᠲᠠᠢ ᠨᠢ ᠬᠠᠮᠲᠤ ᠪᠤᠯᠢᠶᠠᠭᠠᠳ | ᠢᠩᠭᠡᠨ ᠴᠠᠭᠠᠨ ᠪᠤᠶᠢᠯᠠᠭᠠ ᠶᠢ ᠳᠠᠭᠤᠤ ᠶᠢᠨ ᠠᠶᠠᠯᠭᠤᠨᠠ ᠲᠠᠮᠤᠵᠤ | ᠢᠪᠢᠯᠬᠦ ᠰᠠᠶᠢᠬᠠᠨ ᠪᠦᠬᠦᠨ ᠢ ᠢᠨᠢᠶᠡᠳᠦ ᠪᠠᠷ ᠢᠶᠠᠨ ᠲᠤᠰᠤᠨ ᠠᠮᠵᠢᠵᠦ | ᠢᠷᠮᠡᠭᠦᠨ ᠴᠠᠭ ᠤᠨ ᠢᠷ ᠳᠡᠭᠡᠷᠡ ᠡᠷᠡᠰᠬᠡᠨ ᠤᠮᠤᠭ ᠢᠶᠠᠷ ᠬᠠᠩᠬᠠᠶᠢᠬᠤ | ᠶᠡᠬᠡᠰ ᠡᠷᠡᠰ ᠤᠨ ᠡᠩᠭᠡᠷ ᠲᠦᠰᠢᠵᠦ ᠡᠬᠡ ᠤᠷᠤᠨ ᠮᠢᠨᠢ ᠠᠮᠤᠭᠤᠯᠠᠩ ᠡ | ᠪᠦᠯᠢᠶᠡᠬᠡᠨ ᠬᠠᠷᠠᠴᠠ ᠶᠢ ᠨᠢ ᠳᠠᠭᠠᠭᠠᠳ ᠨᠠᠷᠠ ᠤᠷᠭᠤᠭᠠᠳ ᠠᠮᠵᠢᠬᠤ | ᠪᠦᠯᠢᠶᠡᠨ ᠰᠦ ᠢᠪᠢᠯᠬᠦ ᠳᠤ ᠨᠢ ᠰᠠᠷᠠ ᠮᠠᠨᠳᠤᠭᠠᠳ ᠦᠨᠳᠡᠶᠢᠬᠦ | ᠪᠦᠰᠡᠭᠦᠢ ᠶᠢᠨ ᠭᠠᠷ ᠠᠴᠠ ᠴᠠᠢ ᠲᠤᠰᠤᠭᠰᠠᠨ ᠡᠵᠡᠨ ᠬᠦᠮᠦᠨ ᠳᠤ | ᠪᠦᠮᠪᠦᠷᠴᠡᠭ ᠢ ᠡᠷᠭᠦᠬᠦ ᠢᠳᠡ ᠬᠠᠪᠤ ᠶᠢ ᠬᠤᠷᠤᠮᠬᠠᠨᠠ ᠡᠷᠴᠢᠯᠡᠵᠦ ᠦᠭᠳᠡᠭ | ᠪᠦᠷᠭᠦᠳ ᠪᠦᠭᠡᠷᠡᠬᠦ ᠤᠷᠭᠢᠯ ᠢ ᠭᠠᠭᠴᠠᠬᠠᠨ ᠰᠦᠪᠡᠭᠴᠢ ᠪᠠᠷ ᠬᠠᠳᠬᠤᠮᠠᠯᠯᠠᠬᠤ | ᠪᠦᠬᠦᠨ ᠢ ᠳᠠᠷᠤᠬᠤ ᠪᠠᠭᠠᠲᠤᠷ ᠢ ᠪᠦᠬᠡᠴᠠᠶᠢᠯᠠᠨ ᠪᠠᠶᠢᠵᠤ ᠦᠰᠭᠡᠬᠦ | ᠪᠦᠳᠦᠷᠢᠯ ᠬᠠᠭᠠᠴᠠᠯ ᠪᠦᠬᠦᠨ ᠤ ᠬᠠᠷᠠ ᠭᠤᠨᠢᠭ ᠢ ᠤᠬᠢᠶᠠᠵᠤ | ᠪᠦᠷᠬᠦᠶᠢᠵᠦ ᠪᠠᠭᠤᠬᠤ ᠪᠤᠷᠤᠭᠠᠨ ᠤ ᠳᠤᠮᠳᠠ ᠨᠢᠭᠤᠵᠤ ᠪᠠᠶᠢᠭᠠᠳ ᠠᠰᠬᠠᠷᠠᠭᠤᠯᠳᠠᠭ | ᠪᠦᠳᠦᠨ ᠳᠡᠯᠡᠬᠡᠢ ᠶᠢᠨ ᠡᠬᠢᠯᠡᠯ ᠪᠦᠰᠡᠬᠦᠢ ᠵᠠᠶᠠᠭᠠ ᠶᠢ ᠬᠠᠶᠢᠷᠠᠯᠠᠭᠰᠠᠨ | ᠪᠦᠪᠡᠢ ᠬᠠᠶᠢᠷᠠ ᠶᠢᠨ ᠡᠭᠡᠰᠢᠭ ᠲᠤ ᠡᠬᠡ ᠤᠷᠤᠨ ᠮᠢᠨᠢ ᠦᠶᠦᠭ ᠳ᠋ᠧ | ᠤᠳᠤᠮ ᠤᠨ ᠠᠯᠲᠠᠨ ᠶᠠᠰᠤᠨ ᠠᠴᠠ ᠲᠠᠰᠤᠷᠠᠵᠤ ᠲᠦᠷᠦᠭᠰᠡᠨ ᠠᠯᠲᠠ ᠪᠡᠶᠡ | ᠤᠷᠭᠤᠬᠤ ᠨᠠᠷᠠᠨ ᠢᠶᠠᠷ ᠢᠯᠪᠢᠭᠦᠯᠦᠭᠡᠳ ᠰᠤᠭᠤ ᠦᠰᠬᠦ ᠶᠢᠨ ᠲᠠᠪᠢᠯᠠᠩ ᠲᠠᠢ | ᠤᠯᠤᠰ ᠭᠦᠷᠦᠨ ᠢ ᠨᠢᠷᠤᠭᠤᠯᠠᠬᠤ ᠦᠭᠡᠳᠡᠰᠦᠨ ᠴᠢᠨᠡᠭᠡᠨ ᠨᠢᠯᠬᠠ ᠦᠷᠡ | ᠤᠭᠤᠷᠠᠭ ᠰᠦ ᠶᠢᠨ ᠠᠮᠲᠠ ᠪᠠᠷ ᠰᠢᠮᠡᠵᠢᠨ ᠦᠰᠬᠦ ᠶᠢᠨ ᠵᠠᠶᠠᠭᠠ ᠲᠠᠢ | ᠤᠨᠠᠭᠠᠨ ᠬᠡᠭᠡᠷ ᠮᠤᠷᠢᠳ ᠢ ᠨᠢ ᠦᠷᠪᠦᠭᠡ ᠬᠦᠨᠳᠡᠬᠦ ᠳᠤᠨᠢ ᠵᠢᠰᠤᠯᠠᠵᠤ | ᠠᠭᠤᠯᠠᠰ ᠪᠤᠯᠤᠨ ᠤᠰᠤ ᠶᠢ ᠪᠠᠨ ᠬᠦᠯ ᠳᠤ ᠤᠷᠤᠬᠤ ᠳᠤ ᠨᠢ ᠨᠠᠷᠠᠳᠠᠵᠤ | ᠤᠯᠠᠷᠢᠬᠤ ᠤᠷᠴᠢᠯᠠᠩ ᠤᠨ ᠴᠤᠯᠪᠤᠭᠤᠷ ᠢ ᠭᠠᠷ ᠲᠤ ᠨᠢ ᠴᠢᠩᠭᠠᠬᠠᠨ ᠠᠳᠬᠤᠭᠤᠯᠤᠭᠠᠳ | ᠤᠨᠠᠵᠤ ᠤᠷᠭᠤᠬᠤ ᠶᠢᠨ ᠶᠤᠰᠤ ᠶᠢ ᠴᠠᠭ ᠤᠨ ᠦᠩᠭᠡ ᠪᠠᠷ ᠲᠠᠨᠢᠭᠤᠯᠤᠭᠠᠳ | ᠤᠷᠠ ᠪᠢᠯᠢᠭ ᠤᠨ ᠭᠡᠭᠡ ᠶᠢ ᠨᠢᠳᠦᠨ ᠳᠤ ᠨᠢ ᠨᠢᠭᠤᠴᠠᠯᠠᠨ ᠱᠠᠩᠨᠠᠭᠠᠳ | ᠤᠬᠠᠭᠠᠨ ᠲᠡᠭᠦᠰ ᠡᠬᠡ ᠤᠷᠤᠨ ᠮᠢᠨᠢ ᠭᠡᠷᠡᠯ ᠳᠤ ᠨᠢ ᠳᠤᠯᠠᠭᠠᠬᠠᠨ ᠪᠠᠭᠲᠠᠳᠠᠭ ᠡ | ᠤᠨ ᠴᠠᠭ ᠤᠨ ᠨᠢᠯᠪᠤᠰᠤᠨ ᠳᠡᠭᠡᠷᠡ ᠡᠷᠭᠢᠵᠦ ᠪᠦᠬᠦᠢ ᠶᠢᠷᠳᠢᠨᠴᠦ ᠶᠢ | ᠤᠭᠤᠰᠤᠷᠯᠠᠵᠤ ᠠᠳᠬᠤᠭᠠᠳ ᠪᠦᠰᠡᠨ ᠳᠡᠭᠡᠨ ᠬᠠᠪᠴᠢᠭᠤᠯᠤᠨ ᠲᠡᠩᠭᠡᠯᠵᠡᠭᠰᠡᠨ | ᠤᠷᠴᠢᠯᠠᠩ ᠳᠤ ᠭᠠᠭᠴᠠᠬᠠᠨ— ᠮᠢᠨᠤ ᠡᠬᠡ ᠤᠷᠤᠨᠵᠢᠪᠬᠤᠯᠠᠩᠲᠤ | ᠤᠴᠢᠵᠤ ᠪᠤᠴᠠᠬᠤ ᠶᠢᠨ ᠵᠢᠮ ᠳᠡᠭᠡᠷᠡ ᠰᠠᠮᠠᠷᠠᠲᠠᠯᠠ ᠵᠤᠪᠠᠭ᠋ᠤ ᠬᠤᠷᠸᠠ ᠶᠢ | ᠤᠨᠴᠠᠯᠠᠵᠤ ᠨᠢᠳᠦᠯᠡᠭᠡᠳ ᠡᠪᠦᠷ ᠲᠡᠭᠡᠨ ᠠᠪᠴᠦ ᠳᠤᠯᠠᠭᠠᠴᠠᠭᠤᠯᠤᠭᠰᠠᠨ | ᠤᠷᠴᠢᠯᠠᠩ ᠳᠤ ᠭᠠᠭᠴᠠᠬᠠᠨ— ᠮᠢᠨᠤ ᠡᠬᠡ ᠤᠷᠤᠨ ᠲᠡᠭᠦᠯᠳᠡᠷ | ᠡᠯᠢᠭᠡᠨ ᠬᠦᠷᠡᠩ ᠡᠭᠦᠯᠡᠰ ᠤᠨ ᠵᠢᠭᠦᠷᠯᠡᠬᠦ ᠶᠢ ᠡᠩᠭᠦᠷᠡᠢ ᠦᠷᠡ ᠳᠡᠭᠡᠨ ᠬᠠᠷᠠᠭᠤᠯᠤᠨ | ᠡᠮᠨᠢᠭ ᠰᠠᠯᠬᠢᠨ ᠤ ᠭᠦᠶᠦᠳᠡᠯ ᠢ ᠡᠪᠡᠰᠦᠨ ᠳᠤ ᠨᠢ ᠤᠶᠠᠨ ᠭᠠᠶᠢᠬᠠᠭᠤᠯᠤᠭᠰᠠᠭᠠᠷ | ᠡᠷᠲᠡᠨ ᠤ ᠪᠠᠭᠠᠲᠤᠷ ᠤᠨ ᠲᠠᠯᠠ ᠶᠢ ᠳᠤᠷᠤᠨᠡ ᠶᠢᠨ ᠬᠢᠵᠠᠭᠠᠷ ᠲᠤ ᠳᠡᠯᠭᠡᠬᠦ ᠭᠡᠵᠦ | ᠡᠬᠡ ᠬᠦᠮᠦᠨ ᠤ ᠳᠤᠯᠠᠭᠠᠨ ᠬᠠᠷᠠᠴᠠᠨ ᠠᠴᠠ ᠦᠷᠯᠦᠭᠡᠨ ᠤ ᠨᠠᠷᠠ ᠶᠢ ᠮᠠᠨᠳᠤᠭᠠᠭᠰᠠᠭᠠᠷ | ᠡᠭᠡᠯ ᠪᠤᠷᠤᠬᠠᠨ ᠮᠢᠨᠦᠬᠢ ᠪᠠᠨ ᠵᠢᠷᠦᠬᠡᠨ ᠭᠠᠯ ᠢ ᠪᠠᠳᠠᠷᠠᠭᠠᠬᠤ ᠭᠡᠵᠦ | ᠡᠷᠬᠢᠮᠰᠦᠭ ᠭᠤᠸᠠ ᠡᠬᠡ ᠤᠷᠤᠨ ᠮᠢᠨᠢ ᠠᠰᠠᠨ ᠪᠠᠳᠠᠷᠠᠭᠰᠠᠭᠠᠷ ᠪᠠᠶᠢᠨᠠ | ᠡᠷᠬᠢᠮᠰᠦᠭ ᠠᠭᠤᠤ ᠡᠬᠡ ᠤᠷᠤᠨ ᠮᠢᠨᠢ ᠠᠰᠠᠨ ᠪᠠᠳᠠᠷᠠᠭᠰᠠᠭᠠᠷ ᠯᠠ ᠪᠠᠶᠢᠨᠠ᠃ |