| ᠴᠢᠩᠬᠢᠰ ᠬᠠᠭᠠᠨ ᠨᠠᠢᠮᠠᠨ ᠠᠶᠢᠮᠠᠭ ᠢ ᠬᠤᠷᠢᠶᠠᠵᠦ ᠠᠪᠤᠬᠰᠠᠨ ᠤ ᠲᠠᠷᠠᠭᠠ᠂ ᠲᠠᠳᠠᠲᠤᠩᠭᠠ ᠶᠢᠨ ᠡᠨᠡᠬᠦ ᠪᠠᠶᠢᠳᠠᠯ ᠢ ᠤᠢᠢᠯᠠᠭᠠᠵᠦ ᠠᠪᠤᠭᠠᠳ ᠬᠠᠭᠠᠨ ᠤ ᠤᠷᠳᠤᠨ᠂ | ᠬᠠᠭᠠᠨ ᠤ ᠬᠦᠪᠡᠬᠦᠳ᠂ ᠬᠠᠭᠠᠨ ᠤ ᠲᠦᠰᠢᠮᠠᠯ᠂ ᠠᠯᠳᠠᠨ ᠤᠷᠤᠬᠳᠠᠨ ᠳᠤ ᠡᠨᠡ ᠪᠢᠴᠢᠭ ᠢ ᠵᠢᠭᠠᠯᠭᠠᠵᠠᠢ᠃ ᠢᠡᠭᠬᠢᠵᠦ ᠵᠢᠭᠠᠯᠭᠠᠬᠰᠠᠨ ᠢᠶᠠᠷ ᠦᠵᠡᠪᠠᠯ ᠭᠠᠭᠴᠠ | ᠲᠠᠳᠠᠲᠤᠩᠭᠠ ᠪᠢᠰᠢ᠂ ᠲᠠᠳᠠᠲᠤᠩᠭᠠ ᠶᠢᠨ ᠭᠠᠷ ᠲᠤᠤᠷᠠ ᠪᠢᠴᠢᠭ ᠮᠡᠳᠡᠬᠦ ᠬᠦᠮᠦᠰ ᠪᠠᠰᠠ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠲᠠᠳᠠᠲᠤᠩᠭᠠ ᠪᠠᠷ ᠭᠤᠤᠯ ᠪᠤᠯᠭᠠᠵᠦ᠂ | ᠲᠠᠳᠠᠲᠤᠩᠭᠠ ᠶᠢ ᠲᠠᠭᠠᠯᠳᠤᠬᠰᠠᠨ ᠨᠢᠭᠡ ᠪᠦᠯᠦᠭ ᠬᠦᠮᠦᠰ ᠮᠤᠩᠭᠤᠯ ᠦᠨᠳᠦᠰᠦᠳᠠᠨ ᠳᠤ ᠬᠠᠮᠤᠭ ᠤᠷᠢᠳᠠᠪᠡᠷ ᠦᠰᠦᠭ ᠪᠢᠴᠢᠭ ᠲᠡᠯᠭᠡᠷᠡᠬᠦᠯᠵᠦ᠂ ᠮᠤᠩᠭᠤᠯᠴᠤᠳ | ᠦᠰᠦᠭ ᠪᠢᠴᠢᠭ ᠲᠠᠢ ᠪᠤᠯᠵᠠᠢ᠃ ᠲᠡᠭᠡᠪᠡᠯ ᠨᠠᠢᠮᠠᠨ ᠠᠶᠢᠮᠠᠭ ᠨᠢ ᠮᠤᠩᠭᠤᠯᠴᠤᠳ ᠮᠦᠨ ᠦᠦ︖ ᠶᠠᠮᠠᠷ ᠮᠤᠩᠭᠤᠯᠴᠤᠳ ᠪᠤᠢ︖ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠪᠠᠶᠢᠳᠠᠯ ᠢᠶᠠᠷ ᠠᠪᠴᠤ ᠦᠵᠡᠪᠠᠯ᠂ ᠨᠠᠢᠮᠠᠨ ᠠᠶᠢᠮᠠᠭ ᠪᠤᠯᠤᠨ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶᠡ ᠶᠢᠨ ᠵᠡᠬᠦᠨ ᠭᠡᠰᠡᠭ ᠤᠨ ᠮᠤᠩᠭᠤᠯᠴᠤᠳ ᠬᠤᠭᠤᠷᠤᠨᠳᠦ ᠪᠠᠨ | ᠤᠷᠴᠢᠭᠤᠯᠤᠬᠴᠢ ᠠᠪᠴᠤ ᠪᠠᠶᠢᠬᠰᠠᠨ ᠦᠭᠡᠢ᠂ ᠦᠭᠡ ᠭᠡᠯᠡ ᠨᠡᠪᠳᠡᠷᠡᠨᠠ᠃ ᠦᠭᠡ ᠭᠡᠯᠡ ᠠᠳᠠᠯᠢᠬᠠᠨ ᠪᠠᠶᠢᠬᠰᠠᠨ ᠨᠦᠬᠦᠴᠡᠯ ᠲᠤᠤᠷᠠ ᠦᠰᠦᠭ ᠪᠢᠴᠢᠭ ᠢᠶᠠᠨ | ᠨᠢᠭᠡᠳᠦᠯᠳᠠᠢ ᠭᠡᠷᠡᠭᠯᠡᠭᠰᠡᠨ ᠤ ᠦᠷᠡ ᠳ᠋ᠦᠡᠭ ᠳᠤ᠂ ᠮᠤᠩᠭᠤᠯ ᠪᠢᠴᠢᠭ ᠪᠦᠬᠦ ᠮᠤᠩᠭᠤᠯᠴᠤᠳ ᠲᠤ ᠨᠠᠶᠢᠳᠡᠮ ᠢᠶᠠᠷ ᠲᠡᠯᠭᠡᠷᠡᠵᠦ᠂ ᠠᠯᠪᠠᠨ ᠤ ᠦᠰᠦᠭ ᠪᠤᠯᠵᠦ | ᠬᠦᠭᠵᠢᠵᠦ ᠲᠡᠯᠭᠡᠷᠡᠭᠰᠡᠭᠡᠷ ᠤᠳᠤᠬᠠᠨ ᠤ ᠮᠠᠨ ᠤ ᠭᠡᠷᠡᠭᠯᠠᠵᠦ ᠪᠠᠶᠢᠭᠠ ︽ᠬᠠᠭᠤᠴᠢᠨ ᠮᠤᠩᠭᠤᠯ ᠦᠰᠦᠭ︾ ᠪᠤᠯᠵᠦ ᠢᠷᠡᠵᠠᠢ᠃ ᠢᠡᠭᠬᠢᠵᠦ ᠦᠵᠡᠭᠰᠡᠨ ᠤ ᠦᠷᠠ | ᠳ᠋ᠦᠡᠭ ᠳᠤ ᠬᠤᠶᠠᠷ ᠲᠤᠳᠤᠷᠬᠠᠢ ᠠᠰᠠᠭᠤᠳᠠᠯ ᠭᠠᠷᠴᠤ ᠢᠷᠡᠨᠠ᠄ ᠨᠢᠭᠡ ᠨᠢ᠂ ᠲᠠᠳᠠᠲᠤᠩᠭᠠ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠠᠨ ᠤ ᠬᠠᠮᠤᠭ ᠠᠩᠬᠠᠨ ᠤ ᠬᠡᠯᠡ | ᠪᠢᠴᠢᠭ ᠤᠨ ᠪᠠᠭᠰᠢ᠃ ᠨᠦᠬᠦᠭᠡ ᠨᠢᠭᠡ ᠨᠢ᠂ ᠬᠠᠮᠤᠭ ᠤᠷᠢᠳᠠᠪᠡᠷ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠠ ᠦᠰᠦᠭ ᠪᠢᠴᠢᠭ ᠭᠡᠷᠡᠭᠯᠡᠭᠰᠡᠨ ᠠᠶᠢᠮᠠᠭ ᠤᠬᠰᠠᠭᠠᠳᠠᠨ ᠪᠤᠯ | ᠡᠷᠳᠠᠨ ᠤ ᠨᠠᠢᠮᠠᠨ ᠠᠶᠢᠮᠠᠭ᠃ ᠲᠡᠳᠠᠨ ᠤ ᠭᠡᠷᠡᠭᠯᠠᠵᠦ ᠪᠠᠶᠢᠬᠰᠠᠨ ᠪᠤᠯᠪᠠᠰᠤᠷᠠᠬᠰᠠᠨ᠂ ᠪᠡᠯᠡᠨ ᠪᠠᠶᠢᠭᠰᠠᠨ ᠦᠰᠦᠭ ᠪᠢᠴᠢᠭ ᠢ ᠮᠤᠩᠭᠤᠯᠴᠤᠳ ᠲᠤ ᠲᠡᠯᠭᠡᠷᠡᠬᠦᠯᠵᠠᠢ᠃ | ᠡᠨᠡ ᠠᠰᠠᠭᠤᠳᠠᠯ ᠢᠶᠠᠷ ᠰᠠᠭᠤᠷᠢ ᠪᠤᠯᠭᠠᠵᠦ᠂ 2018 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠳᠤ ᠬᠢᠭᠰᠡᠨ ︽ᠮᠤᠩᠭᠤᠯᠴᠤᠳ ᠤᠨ ᠦᠰᠦᠭ ᠪᠢᠴᠢᠭ ᠤᠨ ᠭᠠᠷᠤᠯ ᠢᠷᠡᠯ︾ | ᠢᠶᠠᠷ ᠭᠤᠤᠯ ᠠᠭᠤᠯᠭᠠ ᠪᠤᠯᠭᠠᠨ ᠶᠠᠷᠢᠯᠴᠠᠬᠰᠠᠨ ᠬᠤᠷᠠᠯ ᠲᠡᠭᠡᠷᠡ᠂ ᠤᠳᠤ ᠶᠢᠨ ᠨᠠᠢᠮᠠᠨ ᠬᠤᠰᠢᠭᠤ ᠲᠠᠢ ᠬᠤᠯᠪᠤᠭᠠ ᠲᠠᠢ ᠭᠡᠵᠦ ᠦᠵᠡᠵᠡᠢ᠃ ᠶᠠᠭᠠᠬᠢᠭᠠᠳ | ᠬᠤᠯᠪᠤᠭᠠ ᠲᠠᠢ ᠪᠤᠢ ᠭᠡᠪᠠᠯ᠄ ᠨᠢᠭᠡ ᠳᠤ᠂ ᠨᠡᠷᠠ ᠨᠢ ᠡᠷᠳᠠᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠲᠠᠢ ᠠᠳᠠᠯᠢ᠃ ᠬᠤᠶᠠᠷ ᠲᠤ᠂ ᠨᠠᠢᠮᠠᠨ ᠬᠤᠰᠢᠭᠤ ᠶᠢᠨ ᠪᠢᠴᠢᠭ ᠰᠤᠶᠤᠯ᠂ ᠵᠠᠩ | ᠵᠠᠩᠰᠢᠯ ᠡᠷᠳᠠᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠲᠠᠢ ᠬᠤᠯᠪᠤᠭᠠ ᠲᠠᠢ ᠵᠦᠢᠯ ᠪᠠᠶᠢᠨᠠ᠃ ᠭᠤᠷᠪᠠ ᠳᠤ᠂ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠬᠦᠮᠦᠨ ᠠᠷᠠᠳ ᠤᠨ ᠤᠪᠤᠭ ᠤᠨ ᠨᠡᠷᠡᠶᠢᠳᠦᠯ ᠨᠢ | ᠠᠯᠳᠠᠢ ᠠᠭᠤᠯᠠ ᠶᠢᠨ ᠲᠠᠨᠳᠠ ᠪᠠᠶᠢᠭᠠ ᠡᠷᠳᠠᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠬᠦᠮᠦᠰ ᠤᠨ ᠨᠡᠷᠡᠶᠢᠳᠦᠯ ᠲᠠᠢ ᠠᠳᠠᠯᠢ᠂ ︽ᠡᠬᠢ ᠨᠠᠢᠮᠠᠨ︾ ᠭᠡᠵᠦ ᠪᠢᠴᠢᠵᠦ ᠪᠠᠶᠢᠨᠠ᠃ ︽ | ᠡᠬᠢ ᠨᠠᠢᠮᠠᠨ︾ ᠶᠤᠮ ᠤᠤ᠂ ︽ᠶᠡᠭᠡ ᠨᠠᠢᠮᠠᠨ︾ ᠶᠤᠮ ᠤᠤ᠂ ᠲᠤᠳᠤᠷᠬᠠᠢ ᠦᠭᠡᠢ ᠪᠠᠶᠢᠨᠠ᠃ ︽ᠶᠡᠭᠡ︾ ᠪᠤᠯᠤᠨ ︽ᠡᠭᠢ︾ ᠨᠢ ᠲᠠᠭᠤᠳᠠᠯᠭᠠ ᠶᠢᠨ ᠲᠠᠯᠠ ᠳᠤ | ᠠᠳᠠᠯᠢ ᠪᠤᠯᠤᠭᠠᠳ ᠶᠠᠪᠤᠴᠢᠬᠠᠨᠠ᠃ ᠲᠡᠷᠡ ᠤᠪᠤᠬᠳᠠᠨ ᠢᠶᠠᠨ ᠤᠳᠤ ᠪᠤᠯ ︽ᠪᠠᠢ︾ ᠭᠡᠵᠦ ᠪᠤᠢ᠃ ᠨᠠᠢᠮᠠᠨ ᠬᠤᠰᠢᠭᠤᠨ ᠳᠤ ᠪᠠᠢ ᠤᠪᠤᠭ ᠲᠠᠢ ᠬᠦᠮᠦᠨ ᠤᠯᠠᠨ | ᠪᠠᠶᠢᠨᠠ᠃ ᠤᠳᠤ ᠶᠢᠨ ᠰᠢᠨᠵᠢᠶᠠᠩ ᠤᠨ ᠢᠯᠢ ᠶᠢᠨ ᠬᠠᠰᠠᠬᠴᠤᠳ ᠤᠨ ᠲᠤᠳᠤᠷᠠ ︽ᠨᠠᠢᠮᠠᠳ︾ ᠭᠡᠰᠡᠨ ᠤᠪᠤᠭ ᠲᠠᠢ ᠬᠦᠮᠦᠨ ᠪᠠᠶᠢᠨᠠ᠂ ᠨᠠᠢᠮᠠᠨ ᠭᠡᠰᠡᠨ | ᠦᠭᠡ ᠶᠢᠨ ᠲᠤᠤᠷᠠ ᠤᠯᠠᠨ ᠲᠤᠭᠠᠨ ᠤ ᠲᠠᠭᠠᠪᠤᠷᠢ ︽ ᠊ ᠤᠨ︾ ᠵᠠᠯᠭᠠᠵᠠᠢ᠃ ᠪᠤᠷᠵᠢᠬᠢᠨ ᠤᠪᠤᠬᠳᠠᠨ ᠊᠊᠊᠊ ᠪᠤᠷᠵᠢᠬᠢᠳ᠂ ᠲᠠᠯᠠ ᠠᠶᠢᠮᠠᠭ ᠊᠊᠊᠊ ᠲᠠᠯᠠᠳ ᠭᠡᠰᠡᠨ ᠲᠠᠢ | ᠠᠳᠠᠯᠢ᠃ ᠢᠯᠢ ᠬᠠᠰᠠᠬᠴᠤᠳ ᠤᠨ ᠲᠤᠳᠤᠷᠠ ᠨᠠᠢᠮᠠᠳ ᠤᠪᠤᠬᠳᠠᠨ ᠤᠯᠠᠨ ᠪᠠᠶᠢᠨᠠ᠃ ᠰᠢᠨᠵᠢᠶᠠᠩ ᠤᠨ ᠬᠠᠰᠠᠬ ᠠᠴᠠ ᠤᠨᠳᠤᠤ ᠭᠠᠵᠠᠷ ᠲᠤ ᠪᠠᠰᠠ ᠨᠠᠢᠮᠠᠳ | ᠤᠪᠤᠬᠳᠠᠨ ᠪᠠᠶᠢᠨᠠ ᠭᠡᠵᠦ ᠭᠡᠯᠡᠵᠡᠭᠡᠵᠦ ᠪᠠᠶᠢᠨᠠ᠃ ᠡᠳᠡᠭᠡᠷ ᠪᠠᠷᠢᠮᠳᠠ ᠠᠴᠠ ᠦᠵᠡᠭᠰᠡᠨ ᠤ ᠲᠠᠷᠠᠭᠠ ᠨᠠᠢᠮᠠᠨ ᠬᠤᠰᠢᠭᠤ ᠪᠤᠯ ᠡᠷᠳᠠᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠤᠨ | ᠲᠠᠰᠤᠷᠠᠵᠦ ᠢᠷᠡᠭᠰᠡᠨ ᠰᠠᠯᠠᠭᠠ᠂ ᠡᠷᠳᠠᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠬᠠᠮᠤᠭ ᠡᠷᠳᠠ ᠦᠰᠦᠭ ᠪᠢᠴᠢᠭ ᠭᠡᠷᠡᠭᠯᠠᠵᠠᠢ᠃ ᠬᠠᠮᠤᠭ ᠲᠡᠷᠢᠬᠦᠨ ᠤ ᠪᠠᠭᠰᠢ ᠨᠢ ᠲᠠᠳᠠᠲᠤᠩᠭᠠ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠮᠤᠩᠭᠤᠯ ᠪᠢᠴᠢᠭ ᠰᠤᠳᠤᠷ ᠲᠤ ᠡᠨᠡ ᠬᠠᠮᠢᠶᠠ ᠲᠠᠢ ᠲᠡᠮᠳᠡᠭᠯᠠᠯ ᠤᠯᠠᠨ ᠪᠠᠶᠢᠨᠠ᠃ ᠤᠷᠴᠢᠮ ᠤᠨ ᠡᠳᠦᠷ ᠨᠠᠢᠮᠠᠨ ᠬᠤᠰᠢᠭᠤᠨ ᠳᠤ ︽ | ᠦᠰᠦᠭ ᠪᠢᠴᠢᠭ ᠤᠨ ᠮᠦᠽᠧᠢ︾ ᠪᠠᠶᠢᠭᠤᠯᠬᠤ ᠭᠡᠵᠦ ᠪᠤᠢ᠂ ᠭᠡᠷ ᠢᠶᠠᠨ ᠪᠠᠷᠢᠵᠦ ᠪᠠᠷᠠᠭᠠᠳ ᠲᠤᠳᠤᠷᠠ ᠨᠢ ᠲᠠᠯᠪᠢᠬᠤ ᠡᠳ᠋ ᠪᠤᠳᠠᠰ ᠤᠨ ᠵᠦᠢᠯ ᠢᠶᠠᠨ ᠪᠠᠶᠢᠷᠢᠯᠠᠭᠤᠯᠵᠦ | ᠪᠤᠢ᠃ ᠲᠡᠳᠡᠭᠡᠷ ᠤᠯᠠᠨ ᠪᠠᠶᠢᠬᠤ ᠲᠡᠮᠳᠡᠭᠯᠠᠯ ᠢ ᠪᠠᠰᠠ ᠡᠨᠡ ᠮᠦᠽᠧᠢ ᠳᠤ ᠲᠠᠯᠪᠢᠬᠤ ᠭᠡᠵᠦ ᠪᠤᠢ᠃ ᠡᠨᠡ ᠠᠵᠢᠯ ᠳᠤ ᠪᠢ ᠪᠠᠰᠠ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠠᠨ ᠤ | ᠬᠤᠪᠢ ᠪᠠᠷ ᠤᠷᠤᠯᠴᠠᠵᠦ ᠪᠠᠶᠢᠨᠠ᠃ ᠲᠡᠷᠡ ᠭᠡᠷ ᠨᠢ ᠪᠠᠭᠠᠬᠠᠨ ᠰᠢᠬ ᠪᠤᠯᠵᠦ ᠲᠠᠯᠪᠢᠬᠤ ᠶᠠᠭᠤᠮᠠ ᠨᠢ ᠤᠯᠠᠨ᠂ ᠲᠠᠯᠪᠢᠵᠦ ᠪᠠᠭᠳᠠᠭᠠᠬᠤ ᠦᠭᠡᠢ ᠪᠤᠯᠤᠭᠠᠳ | ᠡᠬᠦᠨ ᠢ ᠪᠠᠨ ᠶᠠᠭᠠᠬᠢᠵᠦ ᠲᠠᠯᠪᠢᠬᠤ ᠪᠠᠨ ᠠᠷᠭᠠ ᠪᠤᠳᠤᠵᠦ ᠪᠤᠢ᠃ ᠲᠡᠷᠡ ᠮᠦᠽᠧᠢ ᠳᠤ ᠲᠠᠳᠠᠲᠤᠩᠭᠠ ᠶᠢᠨ ᠱᠤᠭᠤᠮᠠᠯ ᠵᠠᠪᠠᠯ ᠪᠠᠶᠢᠬᠤ ᠭᠡᠷᠡᠭᠳᠠᠢ᠂ ᠨᠦᠬᠦᠭᠡ | ᠨᠢᠭᠡ ᠨᠢ ᠴᠢᠩᠬᠢᠰ ᠬᠠᠭᠠᠨ ᠪᠤᠯᠤᠨ ᠲᠠᠳᠠᠲᠤᠩᠭᠠ ᠶᠢᠨ ᠵᠤᠯᠭᠠᠯᠳᠠ ᠶᠢᠨ ᠱᠤᠭᠤᠮᠠᠯ ᠵᠢᠷᠤᠭ ᠪᠠᠶᠢᠬᠤ ᠭᠡᠷᠡᠭᠳᠠᠢ᠃ ᠡᠨᠡ ᠱᠤᠭᠤᠮᠠᠯ ᠨᠢ ᠴᠢᠩᠬᠢᠰ ᠬᠠᠭᠠᠨ ᠦᠪᠡᠷ ᠤᠨ | ᠪᠡᠶᠠ ᠪᠠᠷ ᠢᠶᠠᠨ ᠲᠠᠳᠠᠲᠤᠩᠭᠠ ᠶᠢ ᠮᠡᠳᠡᠷᠡᠵᠦ᠂ ᠮᠤᠩᠭᠤᠯ ᠭᠡᠯᠡᠨ ᠤ ᠪᠠᠭᠰᠢ ᠪᠤᠯᠭᠠᠬᠰᠠᠨ᠂ ᠮᠤᠩᠭᠤᠯ ᠦᠰᠦᠭ ᠪᠢᠴᠢᠭ ᠢ ᠰᠤᠷᠭᠠᠬᠰᠠᠨ ᠢ ᠵᠢᠷᠤᠭ ᠲᠦᠷᠰᠦ ᠶᠢᠨ | ᠭᠡᠯᠪᠡᠷᠢ ᠪᠠᠷ ᠮᠠᠨ ᠤ ᠡᠮᠦᠨᠠ ᠢᠯᠡᠷᠡᠬᠦᠯᠬᠦ ᠪᠤᠯᠤᠨᠠ᠃ ︽ᠦᠰᠦᠭ ᠪᠢᠴᠢᠭ ᠤᠨ ᠮᠦᠽᠧᠢ︾ ᠪᠠᠷᠤᠭ 2018 ᠤᠨ ᠤ 9 ᠰᠠᠷᠠ ᠳᠤ ᠡᠬᠦᠳᠠ ᠪᠠᠨ ᠨᠡᠭᠡᠭᠡᠬᠦ ᠪᠠᠷ | ᠲᠦᠯᠦᠪᠯᠡᠵᠦ ᠪᠤᠢ᠃ ︵ᠦᠯᠵᠡᠶᠢᠳᠤᠭᠳᠠᠬᠤ︶ |