| ᠲᠦᠷᠪᠡᠳᠡᠬᠢ ᠵᠢᠯ ᠤᠨ ᠨᠠᠮᠤᠷ ᠪᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠭᠡᠭᠡᠳ ᠪᠠᠭᠰᠢ ᠶᠢᠨ ᠠᠯᠪᠠ ᠲᠤᠰᠴᠣ ᠬᠢᠴᠢᠶᠡᠯ ᠤᠨ ᠲᠠᠶᠢᠰᠠᠨ ᠳᠤ ᠭᠠᠷᠪᠠ᠃ ᠠᠵᠢᠯ ᠳᠤ | ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠴᠠᠭ ᠢ ᠵᠠᠪᠳᠤᠨ ᠡᠵᠢ ᠳᠡᠭᠡᠨ ᠨᠢᠭᠡ ᠬᠠᠭᠤᠳᠠᠰᠤ ᠵᠠᠬᠢᠳᠠᠯ ᠪᠢᠴᠢᠵᠦ ᠠᠵᠢᠯ ᠠᠯᠪᠠᠨ ᠤ ᠪᠠᠶᠢᠳᠠᠯ ᠵᠢᠴᠢ ᠰᠤᠷᠭᠠᠭᠤᠯᠢ ᠨᠢᠭᠡᠴᠡ ᠶᠢᠨ ᠢᠶᠠᠨ | ᠲᠤᠬᠠᠢ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠳᠤ ᠤᠳᠠᠯ ᠦᠬᠡᠢ ᠡᠵᠢ ᠠᠴᠠ ᠬᠠᠷᠢᠭᠤ ᠢᠷᠡᠭᠦᠯᠵᠡᠢ᠃ ᠲᠡᠷᠡ ᠵᠠᠬᠢᠳᠠᠯ ᠳᠠᠭᠠᠨ ᠡᠶᠢᠮᠦ ᠨᠢᠭᠡᠨ ᠢᠨᠢᠶᠡᠳᠦᠮᠳᠡᠢ ᠪᠦᠭᠡᠳ ᠢᠳᠡᠭᠡᠯᠳᠡᠢ | ᠦᠯᠢᠭᠡᠷ ᠢ ᠶᠡᠷᠢᠵᠦ ᠥᠭᠭᠦᠭᠰᠡᠨ ᠪᠢᠯᠡ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠤ ᠲᠤᠮᠳᠠᠴᠢ ᠪᠠᠷ ᠮᠠᠨ ᠤ ᠪᠠᠷᠢᠭᠠᠳᠠ ᠳᠤ ᠲᠠᠪᠤᠨ ᠨᠡᠷᠡᠰ ᠲᠢᠶᠡᠨᠵᠢᠨ ᠰᠡᠭᠡᠭᠡᠳᠡᠨ ᠢᠷᠡᠪᠡ᠃ ᠲᠡᠳᠡᠨᠦᠰ ᠤᠨ ᠲᠤᠲᠤᠷᠠ | ᠬᠤᠶᠠᠷ ᠡᠮᠡᠭᠳᠡᠢ ᠪᠠᠶᠢᠭᠰᠠᠨ ᠪᠠ ᠤᠳᠠᠯ ᠦᠭᠡᠢ ᠮᠠᠨ ᠤ ᠬᠢ ᠲᠠᠢ ᠡᠷᠢᠶᠡ ᠦᠭᠡᠢ ᠲᠠᠰᠣᠯᠴᠠᠵᠤ ᠤᠶᠢᠷᠠ ᠵᠠᠭᠤᠷᠠ ᠶᠠᠪᠤᠯᠴᠠᠬᠤ ᠪᠣᠯᠵᠠᠢ᠃ ᠬᠠᠪᠤᠷ ᠤᠨ ᠨᠢᠭᠡ ᠡᠳᠦᠷ | ᠲᠡᠳᠡ ᠬᠤᠶᠠᠭᠤᠯᠠ ᠵᠣᠨ ᠤ ᠵᠦᠢᠷᠡᠢ ᠬᠤᠶᠠᠷ ᠬᠠᠷᠢᠶᠠᠴᠠᠢ ᠰᠢᠭ᠋ ᠵᠢᠷᠭᠢᠯᠳᠦᠨ ᠢᠨᠢᠶᠡᠯᠴᠡᠭᠰᠡᠭᠡᠷ ᠢᠷᠡᠭᠰᠡᠨ ᠳᠤ ︿︿ᠪᠦᠭᠡᠷᠡ ᠡ᠂ ᠰᠠᠶᠢᠨ ᠢᠷᠡᠪᠡᠦ︖ ᠬᠤᠶᠢᠮᠤᠷ | ᠲᠡᠰᠢ ᠨᠢ᠂᠂᠂᠂﹀﹀ ᠭᠡᠵᠦ ᠡᠵᠢ ᠮᠠᠨᠢ ᠢᠷᠡᠭᠰᠡᠨ ᠬᠤᠶᠠᠷ ᠵᠤᠴᠢᠨ ᠢᠶᠠᠨ ᠬᠠᠯᠠᠭᠤᠨ ᠴᠠᠢ ᠲᠠᠢ ᠤᠭᠲᠣᠪᠠ᠃ ᠲᠡᠳᠡ ᠬᠤᠶᠠᠭᠤᠯᠠ ᠴᠤ ᠡᠷᠢᠶᠡ ᠭᠠᠷᠭᠠᠯ ᠦᠭᠡᠢ | ᠠᠶᠠᠭᠠ ᠲᠠᠢ ᠴᠠᠢ ᠠᠴᠠ ᠲᠤᠰᠣᠨ ᠠᠪᠴᠤ ᠠᠮᠰᠠᠭᠰᠠᠭᠠᠷ ᠪᠢᠴᠢᠬᠠᠨ ᠨᠤᠭᠤᠭᠠᠨ ᠪᠤᠭᠴᠤ ᠪᠠᠨ ᠠᠭᠤᠳᠠᠯᠵᠤ ᠨᠢᠭᠡ ᠨᠢ ᠨᠢᠭᠡ ᠭᠠᠷ ᠲᠡᠪᠳᠡᠷ ᠭᠠᠷᠭᠠᠵᠤ ᠠᠪᠤᠭᠠᠳ | ᠡᠵᠢ ᠠᠴᠠ ᠬᠡᠷᠭᠢᠨ ᠬᠤᠨᠢᠨ ᠰᠦᠷᠦᠭ ᠳᠠᠭᠠᠭᠠᠴᠢᠯᠠᠵᠤ ᠬᠠᠷᠢᠭᠤᠯᠬᠤ ᠪᠠ ᠶᠠᠭᠠᠬᠢᠵᠤ ᠠᠷᠠᠴᠢᠯᠠᠵᠤ ᠳᠣᠳᠣᠮᠳᠠᠬᠤ ᠲᠤᠬᠠᠢ ᠠᠷᠭᠠ ᠲᠤᠷᠰᠢᠯᠭᠠ ᠠᠴᠠ ᠠᠰᠠᠭᠤᠵᠤ | ᠡᠬᠢᠯᠡᠪᠡ᠃ ᠮᠠᠯᠵᠢᠬᠤ ᠨᠤᠲᠤᠭ ᠲᠤ ᠪᠠᠭᠤᠭᠰᠠᠨ ᠰᠡᠭᠡᠭᠡᠳᠡᠨ ᠶᠤᠮ ᠮᠠᠯᠵᠢᠬᠤ ᠠᠮᠢᠲᠤᠷᠠᠯ ᠳᠤ ᠠᠭᠤᠰᠴᠤ ᠰᠤᠷᠬᠤ ᠨᠢ ᠲᠦᠮᠡᠨ ᠵᠦᠪ᠃ ᠡᠵᠢ ᠮᠢᠨᠢ ᠦᠪᠡᠷ ᠤᠨ | ᠪᠦᠬᠦ ᠮᠡᠳᠡᠭᠰᠡᠨ ᠴᠢᠳᠠᠭᠰᠠᠨ ᠢᠶᠠᠨ ᠨᠢᠭᠤᠯ ᠦᠭᠡᠢ ᠶᠠᠷᠢᠵᠤ ᠥᠭᠭᠦ ᠵᠠᠭᠤᠷᠠ ︿︿ᠪᠦᠭᠡᠷᠡ ᠡ᠂ ᠴᠠᠢ ᠶᠢ ᠴᠢᠨᠢ ᠬᠠᠯᠠᠭᠤᠨ ᠲᠡᠭᠡᠷᠡ ᠨᠢ ᠵᠤᠭᠤᠯᠠᠳᠠᠭ ᠶᠤᠮ ᠰᠢᠦ︕﹀﹀ | ᠭᠡᠪᠡ᠃ ᠡᠨᠡ ᠦᠭᠡ ᠶᠢ ᠨᠢ ᠰᠤᠨᠤᠰᠤᠭᠰᠠᠨ ᠬᠤᠶᠠᠷ ᠬᠡᠦᠬᠡᠨ ᠡᠷᠭᠢᠭᠡᠳ ᠴᠠᠭᠠᠰᠢ ᠠᠰᠠᠭᠤᠬᠤ ᠶᠠᠭᠤᠮᠠ ᠠᠯᠭᠠ ᠪᠣᠯᠵᠠᠢ᠃ |