| ᠨᠢᠭᠡᠨ ᠬᠠᠪᠤᠷ ᠤᠨ ᠬᠠᠷᠠ ᠲᠤᠭᠤᠰᠤ ᠲᠡᠭᠳᠡᠭᠰᠡᠨ ᠡᠳᠦᠷ ᠪᠠᠶᠢᠵᠤ ᠪᠢᠯᠡ᠃ ᠲᠠᠯᠠ ᠨᠤᠳᠤᠭ ᠤᠨ ᠮᠠᠯ ᠰᠦᠷᠦᠭ ᠤᠨ ᠲᠠᠶᠢᠰᠤᠨ — ᠬᠦᠭᠡ ᠴᠢᠨ᠋ᠸᠠ | ᠬᠦᠳᠡᠭᠡ ᠭᠠᠳᠠᠭᠠ ᠬᠡᠳᠦ ᠬᠡᠳᠦᠭᠦᠯᠡ ᠪᠠᠨ ᠰᠦᠷᠦᠭᠯᠡᠨ ᠱᠤᠩᠰᠢᠵᠤ ᠶᠠᠳᠠᠷ ᠲᠤᠷᠤᠢ ᠮᠠᠯ ᠤᠨᠤᠭᠠ ᠶᠢ ᠲᠠᠭᠠᠷᠢᠨ ᠬᠦᠨᠦᠭᠡᠯ ᠲᠠᠷᠢᠵᠤ᠂ ᠦᠯ ᠬᠤᠭᠤᠯᠠ ᠪᠠᠨ | ᠲᠠᠷᠤᠵᠤ ᠶᠠᠪᠤᠭᠰᠠᠭᠠᠷ ᠬᠦᠷᠡᠩ ᠵᠡᠭᠡᠷᠳᠡ ᠠᠵᠢᠷᠭᠠ ᠶᠢᠨ ᠰᠦᠷᠦᠭ ᠠᠴᠠ ᠬᠦᠭᠰᠢᠨ ᠭᠡᠭᠦᠤ ᠶᠢᠨ ᠬᠤᠩᠭᠤᠨ ᠤ ᠮᠢᠬᠠ ᠶᠢ ᠨᠢᠭᠡ ᠠᠮᠠ ᠡᠮᠬᠦᠵᠦ ᠲᠠᠰᠤᠳᠠᠭᠠᠳ | ᠠᠷᠠᠢ ᠯᠡ ᠠᠮᠢ ᠶᠢ ᠨᠢ ᠠᠪᠤᠭᠰᠠᠨ ᠦᠭᠡᠢ᠂ ᠡᠨᠡᠬᠦ ᠬᠠᠷᠠᠰᠠᠯᠲᠤ ᠪᠠᠶᠢᠳᠠᠯ ᠢ ᠦᠵᠡᠮᠡᠭᠴᠡ ᠬᠦᠷᠡᠩ ᠵᠡᠭᠡᠷᠳᠡ ᠠᠵᠢᠷᠭᠠ ᠲᠡᠯ ᠰᠡᠭᠦᠯ ᠪᠠᠭᠠᠳᠠᠭᠯᠠᠨ ᠲᠦᠷᠪᠡᠨ | ᠲᠤᠭᠤᠷᠠᠢ ᠴᠠᠪᠴᠢᠯᠠᠵᠤ᠂ ᠠᠳᠤᠭᠤᠨ ᠰᠦᠷᠦᠭ ᠤᠨ ᠬᠤᠶᠢᠭᠤᠷ ᠤᠷᠳᠤᠭᠤᠷ ᠱᠤᠩᠰᠢᠨ ᠬᠦᠶᠦᠭᠡ ᠬᠤᠶᠠᠷ ᠬᠦᠬᠡ ᠴᠢᠨᠸᠠ ᠶᠢᠨ ᠠᠮᠠ ᠶᠢ ᠨᠢ ᠲᠤᠰᠤᠨ ᠰᠢᠷᠦᠭᠦᠨ | ᠲᠠᠭᠠᠷᠢᠯᠲᠠ ᠬᠢᠵᠦ᠂ ᠬᠦᠭᠡᠭᠡᠵᠦ ᠶᠠᠪᠤᠭᠤᠯᠤᠭᠠᠳ᠂ ᠰᠦᠷᠦᠭ ᠢᠶᠠᠨ ᠵᠠᠶᠢᠯᠠᠭᠤᠯᠵᠤ ᠨᠠᠮᠤᠭᠳᠤ ᠶᠢᠨ ᠲᠠᠯᠠ ᠳᠤ ᠰᠢᠯᠵᠢᠭᠦᠯᠦᠨ ᠠᠪᠠᠴᠢᠯᠠ᠃ ᠡᠨᠡ ᠦᠶᠡᠰ ᠰᠦᠷᠦᠭ | ᠢᠶᠠᠨ ᠡᠷᠭᠢᠯᠳᠦᠨ ᠬᠤᠮᠢᠵᠤ ᠶᠠᠪᠤᠭᠠ ᠬᠤᠯᠠᠨ ᠰᠢᠷᠭᠠ ᠶᠠᠮᠠᠷ ᠨᠢᠭᠡᠨ ᠲᠠᠯᠳᠠ ᠶᠢᠨ ᠲᠤᠬᠢᠶᠠ ᠰᠡᠷᠡᠮᠵᠢ ᠤᠯᠤᠭᠰᠠᠨ ᠰᠢᠭ᠋ ᠦᠪᠡᠷ ᠤᠨ ᠰᠦᠷᠦᠭ ᠢᠶᠠᠨ ᠠᠮᠤᠷ | ᠲᠦᠪᠰᠢᠨ ᠡᠯᠡᠰᠦᠳᠡᠢ ᠱᠠᠩᠳᠠ ᠶᠢᠨ ᠲᠡᠷᠭᠡᠳᠡ ᠬᠦᠷᠭᠡᠮᠡᠭᠴᠡ ᠪᠠᠨ᠄ ︽ᠲᠠ ᠨᠠᠷ ᠠᠳᠡ ᠪᠠᠨ ᠲᠤᠭᠲᠠᠭᠤᠨ ᠢᠳᠡᠰᠢᠯᠡᠵᠦ ᠪᠠᠶᠢᠭᠠᠷᠠᠢ︕ ᠪᠢ ᠮᠦᠳᠳᠦ ᠡᠷᠭᠢᠭᠡᠳ | ᠢᠷᠡᠨᠡ︕ ︾ ᠭᠡᠵᠤ ᠲᠤᠬᠢᠶᠠ ᠦᠭᠭᠦᠭᠰᠡᠨ ᠮᠡᠳᠦ ᠪᠤᠯᠤᠭᠠᠳ᠂ ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠬ ᠬᠦᠷᠡᠩ ᠵᠡᠭᠡᠷᠳᠡ ᠶᠢ ᠦᠭᠡᠶᠢᠯᠡᠨ ᠢᠨᠴᠠᠭᠠᠵᠤ ᠲᠤᠭᠤᠰᠤ ᠲᠠᠲᠠᠭᠤᠯᠤᠨ | ᠲᠠᠪᠬᠢᠵᠤ ᠤᠳᠪᠠ᠃ | ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠠᠩ ᠠᠮᠢᠳᠠᠨ ᠴᠦ ᠬᠠᠷᠢᠯᠴᠠᠨ ᠠᠶᠤᠯ ᠲᠠᠢ ᠦᠶᠡᠰ ᠬᠠᠮᠵᠢᠯᠴᠠᠵᠤ ᠲᠤᠰᠠᠯᠠᠯᠴᠠᠳᠠᠭ ᠤᠴᠢᠷ ᠲᠠᠢ ᠶᠤᠮ ᠪᠠᠶᠢᠨᠠ᠃ ᠬᠤᠯᠠᠨ ᠰᠢᠷᠭᠠ | ᠭᠠᠵᠠᠷ ᠬᠠᠳᠬᠤᠯᠠᠨ ᠲᠤᠩᠭᠤᠷᠴᠤᠭᠯᠠᠨ ᠬᠠᠷᠠᠶᠢᠯᠠᠵᠤ᠂ ᠬᠦᠷᠡᠩ ᠵᠡᠭᠡᠷᠳᠡ ᠶᠢᠨ ᠲᠡᠷᠭᠡᠳᠡ ᠢᠷᠡᠮᠡᠭᠴᠡ ᠰᠠᠨᠠᠮᠰᠠᠷ ᠦᠭᠡᠢ ᠭᠤᠯᠭᠤᠷᠢᠨ ᠮᠢᠷᠢᠶᠠᠵᠤ ᠪᠠᠶᠢᠭᠰᠠᠨ ᠨᠢᠭᠡ | ᠬᠦᠬᠡ ᠴᠢᠨ᠋ᠸᠠ ᠶᠢᠨ ᠭᠠᠪᠠᠯᠠ ᠤᠷᠤᠭᠤ ᠭᠠᠭᠴᠠ ᠲᠡᠶᠢᠷᠦᠭᠰᠡᠨ ᠳᠤ ᠲᠡᠷᠡᠬᠦ ᠨᠢᠭᠦᠯ ᠤᠨ ᠬᠦᠬᠡ ᠴᠢᠨ᠋ᠸᠠ ᠭᠠᠵᠠᠷ ᠬᠠᠳᠬᠤᠵᠤ ᠭᠠᠳᠠᠵᠤ ᠤᠨᠠᠭᠠᠳ ᠦᠬᠦᠭᠰᠡᠨ ᠪᠠᠶᠢᠯᠠ᠃ | ᠡᠨᠡ ᠦᠶᠡ ᠳᠤ ᠬᠦᠷᠡᠩ ᠵᠡᠭᠡᠷᠳᠡ ᠶᠢᠨ ᠲᠦᠷᠪᠡᠨ ᠲᠤᠭᠤᠷᠠᠢ ᠨᠢ ᠲᠤᠭᠳᠠᠵᠤ ᠶᠠᠳᠠᠨ ᠴᠡᠴᠡᠷᠬᠢᠯᠡᠵᠦ ᠯᠠ ᠪᠠᠶᠢᠯᠠ᠃ ᠬᠤᠯᠠᠨ ᠰᠢᠷᠭᠠ ᠠᠵᠢᠷᠭᠠ ᠨᠦᠭᠦᠭᠡ ᠨᠢᠭᠡ | ᠬᠦᠬᠡ ᠴᠢᠨ᠋ᠸᠠ ᠲᠠᠢ ᠠᠰ ᠲᠤᠯᠤᠨ ᠠᠪᠤᠨ ᠬᠠᠷᠢᠭᠤᠴᠠᠵᠤ᠂ ᠬᠤᠯᠤᠰᠤᠨ ᠲᠠᠩ ᠤᠨ ᠲᠤᠮᠳᠠᠭᠤᠷ ᠨᠠᠰᠢ ᠴᠠᠰᠢ ᠴᠠᠪᠴᠢᠯᠬᠢᠯᠠᠨ ᠬᠦᠶᠦᠭᠰᠡᠭᠡᠷ ᠬᠦᠷᠦᠰᠦᠳᠦ ᠭᠠᠵᠠᠷ ᠢ | ᠬᠦᠷᠵᠡ ᠪᠠᠷ ᠬᠦᠷᠪᠡᠭᠦᠯᠵᠦ ᠲᠠᠯᠪᠢᠭᠰᠠᠨ ᠰᠢᠬ ᠪᠤᠯᠭᠠᠵᠤ ᠤᠷᠬᠢᠯᠠ᠃ ᠬᠤᠯᠠᠨ ᠰᠢᠷᠭᠠ ᠬᠦᠭᠰᠢᠨ ᠬᠦᠬᠡ ᠴᠢᠨ᠋ᠸᠠ ᠶᠢᠨ ᠬᠡᠷᠴᠡᠭᠡᠢ ᠲᠠᠭᠠᠷᠢᠯᠲᠠ ᠳᠤ ᠠᠷᠠᠰᠤ ᠮᠢᠬᠠ | ᠪᠠᠨ ᠬᠡᠭᠵᠡᠯᠡᠭᠦᠯᠦᠨ ᠬᠡᠳᠦ ᠰᠢᠷᠬᠠᠳᠤᠵᠤ᠂ ᠡᠴᠦᠰ ᠲᠡᠭᠡᠨ ᠬᠦᠭᠰᠢᠨ ᠴᠢᠨ᠋ᠸᠠ ᠶᠢ ᠴᠠᠪᠴᠢᠵᠤ ᠠᠯᠠᠭᠠᠳ ᠰᠠᠶ᠋ᠢ ᠰᠠᠨᠠᠭᠠ ᠨᠢ ᠠᠮᠠᠷᠠᠵᠤ ᠬᠦᠷᠡᠩ ᠵᠡᠭᠡᠷᠳᠡ ᠶᠢᠨ ᠢᠶᠠᠨ | ᠲᠡᠷᠭᠡᠳᠡ ᠢᠷᠡᠵᠦ ᠪᠡᠶᠡ ᠪᠡᠶᠡ ᠪᠠᠨ ᠨᠠᠯᠠᠨ ᠵᠤᠭᠰᠤᠵᠤ᠂ ᠤᠷᠳᠤ ᠤᠷᠳᠤ ᠠᠮᠢᠰᠬᠤᠯᠯᠠᠨ ᠭᠡᠬᠦᠯᠵᠡᠵᠦ ᠪᠠᠶᠢᠯᠠ ᠁ |