| ᠵᠤᠨ᠂ ᠷᠤᠺᠹᠧᠯ ᠶᠢᠨ ᠬᠦᠤ ᠳᠤ ᠪᠠᠨ ᠪᠢᠴᠢᠭᠰᠡᠨ 38 ᠵᠠᠬᠢᠲᠠᠯ ᠤᠨ ᠨᠢᠭᠡᠳᠦᠭᠡᠷ ᠵᠠᠬᠢᠲᠠᠯ᠄ | ᠡᠬᠢᠯᠡᠯᠲᠡ ᠨᠢ ᠲᠡᠭᠦᠰᠭᠡᠯ ᠢᠶᠠᠨ ᠲᠤᠭᠳᠠᠭᠠᠬᠤ ᠦᠭᠡᠢ | | ᠬᠠᠶᠢᠷᠠᠲᠤ ᠵᠤᠨ ᠮᠢᠨᠢ᠄ | ᠠᠯᠤᠰ ᠠᠶᠠᠯᠠᠯ ᠤᠨ ᠡᠬᠢᠯᠡᠯᠲᠡ ᠲᠡᠭᠦᠰᠭᠡᠯ ᠳᠤ ᠴᠢ ᠪᠦᠷ ᠯᠡ ᠠᠪᠤ ᠲᠠᠢ ᠪᠠᠨ ᠬᠠᠮᠲᠤ ᠪᠠᠶᠢᠬᠤ ᠶᠢ ᠬᠦᠰᠡᠳᠡᠭ᠃ ᠬᠡᠳᠦᠶᠢᠪᠡᠷ ᠰᠤᠨᠤᠰᠬᠤ ᠳᠤ ᠶᠡᠭᠡ | ᠵᠦᠭᠡᠷᠬᠡᠨ ᠪᠤᠯᠪᠠᠴᠤ ᠪᠢ ᠦᠨᠢ ᠡᠭᠦᠷᠢᠳᠡ ᠴᠢᠨᠤ ᠤᠩᠭᠤᠴᠠᠨ ᠳᠠᠷᠤᠭᠠ ᠪᠠᠶᠢᠵᠤ ᠴᠢᠳᠠᠬᠤ ᠦᠭᠡᠢ᠃ ᠳᠡᠭᠡᠲᠦ ᠲᠡᠭᠷᠢ ᠪᠢᠳᠡᠨ ᠳᠤ ᠬᠤᠶᠠᠷ ᠬᠦᠯ ᠰᠤᠶᠤᠷᠬᠠᠭᠰᠠᠨ᠂ | ᠪᠢᠳᠡ ᠲᠡᠬᠦᠨ ᠳᠤ ᠪᠠᠨ ᠲᠦᠰᠢᠵᠤ ᠦᠪᠡᠷ ᠤᠨ ᠵᠠᠮ ᠢᠶᠠᠨ ᠶᠠᠪᠤᠬᠤ ᠶᠤᠰᠤᠲᠠᠢ᠃ | ᠭᠠᠭᠴᠠᠭᠠᠷ ᠢᠶᠠᠨ ᠤᠷᠤᠭᠰᠢᠯᠠᠬᠤ ᠨᠢ ᠮᠠᠭᠠᠳ ᠦᠭᠡᠢ ᠴᠢᠨᠦ ᠢᠷᠡᠭᠡᠳᠦᠢ ᠳᠤ ᠪᠠᠨ ᠪᠡᠯᠡᠳᠦᠭᠰᠡᠨ ᠪᠡᠯᠡᠳᠬᠡᠯ ᠪᠠᠶᠢᠵᠤ ᠮᠡᠳᠡᠨᠡ᠃ ᠬᠡᠪᠡᠴᠦ ᠲᠠ ᠨᠢᠭᠡ ᠵᠦᠢᠯ ᠢ | ᠮᠡᠳᠡᠬᠦ ᠴᠢᠬᠤᠯᠠᠲᠠᠢ ᠮᠠᠨ ᠤ ᠤᠷᠤᠰᠢᠵᠤ ᠪᠠᠶᠢᠭᠠ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ ᠳᠡᠯᠡᠬᠡᠢ ᠪᠤᠯ ᠦᠷᠢᠰᠦᠯᠳᠦᠭᠡᠨ ᠪᠤᠯᠤᠨ ᠬᠠᠴᠢᠨ ᠭᠠᠶᠢᠬᠠᠮᠰᠢᠭ ᠢᠶᠠᠷ ᠪᠢᠯᠬᠠᠮᠠ | ᠪᠠᠶᠢᠳᠠᠭ᠃ ᠴᠢᠨᠤ ᠰᠢᠨᠡ ᠠᠮᠢᠳᠤᠷᠠᠯ ᠬᠠᠷᠢᠨ ᠲᠡᠨᠳᠡ ᠠᠴᠠ ᠡᠬᠢᠯᠡᠨᠡ᠃ ᠳᠡᠨᠳᠡ ᠴᠢ ᠪᠦᠷᠢᠮᠰᠦᠨ ᠲᠠᠨᠢᠯ ᠪᠤᠰᠤ ᠮᠦᠷᠲᠡᠬᠡᠨ ᠢᠷᠡᠬᠡᠳᠦᠢ ᠲᠠᠢ ᠤᠶᠠᠯᠳᠤᠭᠰᠠᠨ | ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠶᠡᠭᠡ ᠳᠠᠶᠢᠯᠠᠭᠠ ᠳᠤ ᠤᠷᠤᠯᠴᠠᠬᠤ ᠪᠤᠯᠤᠨᠠ᠃ ᠴᠢᠨᠤ ᠬᠤᠪᠢ ᠳᠤ ᠡᠮᠦᠨᠡ ᠴᠢᠨᠢ ᠪᠠᠶᠢᠭᠠ ᠡᠨᠡ ᠬᠢᠲᠤᠭᠠ ᠰᠡᠷᠡᠭᠡ ᠶᠢ ᠶᠠᠭᠠᠬᠢᠵᠤ | ᠬᠡᠷᠡᠭᠯᠡᠬᠦ᠂ ᠬᠤᠪᠢ ᠵᠠᠶᠠᠭᠠᠨ ᠤ ᠳᠡᠬᠢᠨᠢ ᠠᠴᠠ ᠴᠢᠮᠠ ᠳᠤ ᠡᠷᠬᠦᠨ ᠪᠠᠷᠢᠭᠰᠠᠨ ᠲᠦᠷᠦᠯ ᠪᠦᠷᠢ ᠶᠢᠨ ᠵᠠᠭᠤᠰᠢ ᠶᠢ ᠬᠡᠷᠬᠢᠨ ᠠᠮᠲᠠᠷᠬᠠᠨ ᠠᠮᠰᠠᠬᠤ ᠨᠢ ᠪᠦᠷᠢᠮᠰᠦᠨ | ᠴᠢᠮᠠ ᠳᠤ ᠲᠦᠰᠢᠭᠯᠡᠨᠡ᠃ | ᠶᠠᠷᠢᠶᠠᠨ ᠦᠭᠡᠢ ᠢᠷᠡᠭᠡᠳᠦᠢ ᠳᠤ ᠪᠢ ᠴᠢᠨᠤ ᠤᠯᠠᠨ ᠠᠴᠠ ᠪᠠᠨ ᠤᠷᠤᠶᠢᠯᠠᠬᠤ ᠶᠢ ᠬᠦᠰᠡᠵᠤ ᠪᠠᠶᠢᠨᠠ᠃ ᠡᠭᠦᠨ ᠢᠶᠠᠷ ᠦᠯᠦ ᠪᠠᠷᠠᠮ ᠨᠠᠳᠠ ᠲᠠᠢ | ᠬᠠᠷᠢᠴᠠᠭᠤᠯᠪᠠᠯ ᠨᠡᠩ ᠦᠨᠳᠦᠷ ᠳᠡᠰ ᠲᠤ ᠬᠢᠯᠠᠷᠠᠭᠠᠷᠠᠢ︕ ᠪᠢ ᠴᠢᠮᠠ ᠶᠢ ᠦᠪᠡᠷ ᠤᠨ ᠢᠶᠠᠨ ᠬᠠᠵᠠᠭᠤ ᠳᠤ ᠦᠯᠡᠳᠡᠭᠡᠬᠦ ᠪᠠᠷ ᠰᠢᠢᠳᠦᠭᠰᠡᠨ ᠨᠢ ᠭᠠᠭᠴᠠ ᠯᠡ ᠴᠢᠨᠤ | ᠠᠵᠢᠯ ᠠᠮᠢᠳᠤᠷᠠᠯᠭᠠ ᠶᠢ ᠨᠢᠭᠡᠨ ᠦᠨᠳᠦᠷ ᠡᠬᠢᠯᠡᠯᠲᠡ ᠶᠢᠨ ᠴᠡᠭ ᠲᠤ ᠪᠠᠶᠢᠯᠭᠠᠵᠤ᠂ ᠴᠢᠮᠠ ᠶᠢ ᠭᠡᠷᠡᠭ ᠦᠭᠡᠢ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠠᠴᠠ ᠬᠡᠲᠦᠯᠡᠬᠦᠯᠵᠤ ᠲᠦᠭᠦᠮ | ᠪᠤᠯᠬᠤᠶᠢᠴᠠ ᠨᠦᠭᠦᠴᠡᠯ ᠲᠠᠢ ᠮᠠᠰᠢ ᠬᠤᠷᠳᠤᠨ ᠦᠭᠡᠳᠡᠯᠡᠨ ᠬᠦᠭᠵᠢᠬᠦ ᠠᠵᠠ ᠲᠤᠬᠢᠶᠠᠯ ᠢ ᠤᠯᠭᠤᠬᠤ ᠶᠢᠨ ᠲᠦᠯᠦᠭᠡ ᠶᠤᠮ᠃ |