| ᠪᠠᠯᠭᠠᠷᠭᠤᠣᠯ ᠪᠠᠯᠭᠠᠰᠣ ᠠᠴᠠ ᠣᠮᠠᠷᠠᠰᠢ ᠠᠷᠪᠠᠭᠠᠳ ᠭᠠᠵᠠᠷ ᠠᠶᠠᠯᠠᠪᠠᠯ ᠬᠠᠪᠴᠠᠭᠠᠢ ᠶᠢᠨ ᠵᠣᠭᠠᠴᠠᠯ ᠤᠨ ᠭᠠᠵᠠᠷ ᠲᠤ ᠬᠥᠷᠥᠨᠡ᠃ ᠬᠡᠪᠴᠢᠶᠡ ᠪᠠᠷ ᠲᠡᠳᠥᠢ | ᠶᠡᠭᠡ ᠪᠢᠰᠢ ᠪᠣᠯᠪᠠᠴᠣ ᠡᠯᠡᠰᠥᠷᠬᠡᠭ ᠣᠷᠣᠨ ᠤ ᠣᠨᠴᠠᠯᠢᠭ ᠰᠢᠨᠵᠢ᠂ ᠨᠡᠭᠦᠳᠡᠯ ᠠᠮᠢᠳᠣᠷᠠᠯ ᠤᠨ ᠥᠨᠥᠷ ᠠᠮᠲᠠ᠂ ᠣᠷᠭᠤᠮᠠᠯ ᠤᠨ ᠪᠥᠷᠬᠦᠴᠡ᠂ ᠣᠰᠣᠨ ᠤ ᠣᠷᠣᠰᠬᠠᠯ | ᠵᠡᠷᠭᠡ ᠪᠠᠷ ᠢᠶᠠᠨ ᠲᠣᠪᠣᠶᠢᠮᠠ ᠣᠨᠴᠠᠯᠠᠭᠳᠠᠬᠤ ᠲᠤᠯᠠ ᠵᠣᠭᠠᠴᠠᠯ ᠤᠨ ᠬᠤᠶᠠᠳᠠᠭᠴᠢ ᠡᠳᠥᠷ ᠤᠨ ᠢᠶᠠᠨ ᠡᠬᠢᠨ ᠤ ᠴᠢᠭ ᠪᠣᠯᠭᠠᠵᠣ᠂ ᠣᠰᠣᠨ ᠲᠡᠭᠡᠷᠡ ᠬᠥᠪᠪᠥᠬᠦ᠂ | ᠢᠰᠡᠭᠡᠢ ᠪᠥᠷᠢᠶᠡᠰᠥ ᠲᠠᠢ ᠮᠣᠩᠭᠤᠯ ᠭᠡᠷ ᠢᠶᠠᠷ ᠣᠷᠣᠵᠣ ᠠᠶᠢᠷᠠᠭ ᠲᠠᠷᠠᠭ ᠠᠮᠰᠠᠬᠤ ᠵᠡᠷᠭᠡ ᠳᠤ ᠪᠠᠭᠠᠬᠠᠨ ᠴᠠᠭ ᠢ ᠵᠠᠷᠣᠴᠠᠭᠤᠯᠣᠭᠠᠳ ᠰᠡᠭᠦᠯᠴᠢ ᠶᠢᠨ ᠥᠷᠲᠡᠭᠡ | ᠪᠣᠯᠬᠤ ᠣᠯᠠᠭᠠᠨ ᠣᠲᠠᠢ ᠵᠦᠭ ᠠᠶᠠᠨ ᠤ ᠵᠢᠯᠣᠭᠤ ᠪᠠᠨ ᠵᠠᠯᠠᠭᠰᠠᠨ ᠪᠠᠶᠢᠵᠣ ᠪᠢᠯᠡ᠃ ᠪᠠᠯᠭᠠᠷᠭᠤᠣᠯ ᠠᠴᠠ ᠪᠠᠷᠠᠭᠤᠨᠰᠢ ᠵᠢᠷᠠ ᠭᠠᠷᠣᠢ ᠺᠢᠯᠤᠮᠧᠲᠷ ᠵᠠᠶᠢᠲᠠᠢ ᠪᠠᠶᠢᠭᠠ | ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠣᠯᠠᠭᠠᠨ᠂ ᠰᠢᠷᠠ᠂ ᠬᠥᠬᠡ᠂ ᠨᠣᠭᠤᠭᠠᠨ᠂ ᠴᠠᠭᠠᠨ ᠲᠠᠪᠣᠨ ᠥᠩᠭᠡ ᠶᠢᠨ ᠣᠲᠠᠢ ᠶᠢᠨ ᠨᠢᠭᠡ ᠨᠢ ᠪᠣᠯᠬᠤ ᠣᠯᠠᠭᠠᠨ ᠣᠳᠠᠢ ᠨᠢ ᠰᠥᠮᠡ | ᠬᠡᠶᠢᠳ᠂ ᠣᠪᠣᠭᠠ ᠬᠠᠶᠢᠷᠬᠠᠨ ᠵᠡᠷᠭᠡ ᠣᠨᠴᠠᠯᠢᠭᠲᠣ ᠵᠥᠢᠯᠡᠰ ᠢᠶᠠᠷ ᠢᠶᠠᠨ ᠬᠥᠮᠥᠰ ᠤᠨ ᠠᠩᠬᠠᠷᠣᠯ ᠳᠤ ᠬᠥᠷᠥᠨᠡ᠃ ᠣᠯᠠᠭᠠᠨ ᠣᠲᠠᠢ ᠨᠢ ᠲᠡᠭᠡᠷᠡ ᠵᠠᠭᠤᠨ ᠤ | ᠣᠷᠤᠭᠠ ᠪᠣᠰᠤᠭᠠ ᠣᠨ ᠵᠢᠯ ᠤᠳ ᠲᠤ ᠬᠦᠨᠳᠦ ᠰᠥᠷᠡᠬᠡᠢ ᠡᠪᠲᠡᠭᠳᠡᠯ ᠳᠤ ᠣᠴᠠᠷᠠᠭᠰᠠᠨ ᠪᠣᠯᠪᠠᠴᠥ 2006 ᠣᠨ ᠠᠴᠠ ᠳᠠᠬᠢᠨ ᠰᠡᠯᠪᠢᠨ ᠵᠠᠰᠠᠵᠣ ᠪᠦᠲᠥᠭᠡᠨ | ᠪᠠᠶᠢᠭᠤᠯᠣᠭᠰᠠᠨ ᠠᠴᠠ ᠴᠤᠭ ᠰᠥᠯᠳᠡ ᠬᠠᠷᠠᠬᠠᠨ ᠪᠠᠳᠠᠷᠠᠩᠭᠤᠢ ᠪᠣᠯᠣᠭᠰᠠᠨ ᠨᠢ ᠳᠣᠳᠣᠷᠬᠠᠢ ᠬᠠᠷᠠᠭᠳᠠᠨᠠ᠃ | ᠥᠵᠥᠮᠥᠴᠢᠨ ᠨᠣᠲᠤᠭ ᠤᠨ ᠲᠣᠨᠣᠷᠣᠭᠰᠠᠨ ᠨᠠᠷᠠᠨ ᠳᠤ ᠢᠪᠡᠭᠡᠭᠳᠡᠨ᠂ ᠲᠣᠩᠭᠠᠯᠠᠭ ᠠᠭᠠᠷ ᠢ ᠬᠥᠯᠬᠦᠨ᠂ ᠥᠩᠭᠡᠲᠥ ᠴᠡᠴᠡᠭ ᠢ ᠪᠠᠭ᠋ᠠᠷᠬᠠᠨ᠂ ᠥᠷᠭᠡᠨ | ᠰᠠᠷᠠᠭᠤᠯ ᠢ ᠰᠣᠨᠢᠷᠬᠠᠭᠰᠠᠨ ᠠᠶᠠᠯᠠᠯ ᠵᠣᠭᠠᠴᠠᠯ ᠮᠠᠨᠢ ᠡᠶᠢᠨᠬᠦ ᠰᠣᠨᠣᠮᠠ ᠬᠤᠶᠠᠷ ᠡᠳᠥᠷ ᠪᠠᠴᠢᠮ ᠶᠠᠭᠠᠷᠠᠯᠲᠠᠢ ᠴᠤ ᠬᠥᠭ ᠠᠶᠢᠵᠠᠮ ᠵᠣᠬᠢᠴᠠᠩᠭᠤᠢ ᠶᠠᠪᠣᠭᠳᠠᠭᠠᠳ | ᠭᠠᠨᠵᠤᠭᠠ ᠲᠥᠭᠦᠷᠡᠩ ᠪᠣᠴᠠᠭᠰᠠᠨ ᠭᠡᠳᠡᠭ ᠢᠶᠠᠨ ᠲᠠᠬᠢᠨᠲᠠ ᠣᠨᠴᠠᠯᠠᠬᠤ ᠳᠤ ᠣᠷᠮᠠᠲᠠᠢ ᠪᠠᠶᠢᠬᠤ ᠶᠢ ᠥᠵᠡᠬᠦ ᠮᠡᠷᠭᠡᠳ ᠣᠶᠢᠯᠭᠠᠬᠤ ᠪᠢᠵᠡ᠃ |